— 194 —
bekas sembajang, dibantoe oleh baboe dan poelang.
Sampe diroema, ia minta toeloeng tetangganja bliken kaartjis kreta api boeat besok serta kirim barang-barangnja di bagage, dengen begitoe, besok ia tida oesa berabe lagi, begitoe sampe distation lantas boleh naek sadja dikreta.
Tadinja ia pikir maoe mampir doeloe-lah di Bandoeng, boeat tengokin koeboeran mertoeanja, tetapi ia pikir ada soesa, dan aken menambaken kasedihan sadja, dari itoe ia maoe teroes sadja ambil djalan Cheribon.
Itoe satoe malem ia tida bisa tidoer dan baboe-nja ia soeda bajar gadjinja satoe boelan stenga kendati belon abis boelan serta kasi djoega satoe doea potong badjoe dan dibilang trima kasi, jang ia soeda bantoe begitoe baek padanja. Besok aken berpisa dan tida taoe apa bisa ketemoe kombali.
Itoe baboe djoega djadi sedi hatinja aken berpisa dengen Soekmi, jang begitoe baek, sajang sekali ia tida bisa mengikoet, sebab melaenken boeat bikin lebi berat sadja pikoelannja Soekmi, kaloe tida begitoe, tentoe ia mengikoet biar kemana djoega.
Koetika paginja maoe brangkat, Heng It jang soeda mengarti, tida kata satoe apa tetapi Heng Dji girang sekali keliatannja jang ia maoe dibawa bepergian, ia kira maoe pergi plesir dan ia tanja
