Di Betawi ada begitoe soesa roema, jang masi
tinggal kaloe boleh maoe disoeroe laloe dengen
dikasi ongkos boeat pinda, apa lagi jang memangnja maoe pinda, tentoe sadja bereboet.
Tempo ketaoean ada orang maoe pinda, lantas banjak orang dateng maoe tinggal disitoe dan taksir djoega hargà prabotan jang moesti dibajar.
Achirnja seorang dari Pasar-baroe soeda kasi toedjoe ratoes roepia sebab iapoen perloe pake itoe roema boeat satoe familienja.
Begitoelah Soekmi soeda pak barang barangnja tiga koffer dalem mana ia simpen djoega tempat aboe dari mertoeanja dan soeaminja. Tadinja ia tida maoe piara Tjan poenja aboe pertandaan itoe, tetapi ia pikir ada poenja anak, moesti dipi ara, sebab toch tida bikin soesa satoe apa.
Soeatoe hari ia pergi ka koeboeran dan dengen doedoek didepan koeboeran itoe ia menangis sedi sekali seperti kasi taoe jang ia sekarang maoe poelang ka Tjomal ia soeroe Heng It dan Heng Dji pasang hijo sembajangin ajahnja sebegimana adat Tionghoa djoega. Kaloe la tida tahan hati, tentoe ia menangis lebi lama lagi, tetapi ia se- karang boekan sadja djadi iboe hanja moesti pegang djoega rol bapa, maka ia moesti oendjoek keras hati goena dia sendiri dengen anak anaknja.
la brenti menangis, laloe beresin apa jang dipake
