— 191 —
harep-harep perniagaan djadi rame dan ia maoe moelain lagi berniaga sekoenjoeng-koenjoeng dapet sakit lagi begitoe keras, hingga berapa djoega dokter toeloeng dan Soekmi djaga siang malem, pada soeatoe malem jang baek, Tjan Mo Seng soeda meninggal doenia dalem oemoer belon tjoekoep tiga poeloe taon.
Begimana besar kesedihannja Soekmi itoe tempo, mana anak-anak masi ketjil, mana ia lagi berisi lagi soeda djalan lima boelan, tida taoe nanti kaloe lahir lelaki atawa prampoean dan tentoe itoe anak aken tida kenalin bapannja, mana sekarang tida ada apa atawa siapa lagi jang bakal diboeat andelan. Siapa moesti tjariken makan boeat dia bersama anak-anaknja.
Di Betawi, ia tida ada sanak kadang, baek djoega tetangganja semoea dateng menoeloeng, oeroesin maitnja Tjan. Ia poenja chef jang begitoe baek hati soeda kirimin ia poenja tiga boelan gadji dan dari Tje Pin Po Sioe Kongsie dapet djoega f500.
Itoe tempo ada boelan November 1919, lagi satoe boelan Tjan aken ditamba lagi gadjinja, lantaran pekerdjaannja jang baek sanget menjenangken chef-nja, tetapi sekarang ia soeda tersimpen dalem peti.
Sesoedanja dikoeboer, tinggallah Soekmi pikirin dirinja, apa moesti bikin sekarang. Toendjoengan soeda tentoe tida, boeat ia tinggal lebi lama
