— 189 —
Chasee, sebab sekola Gouvernement moesti toenggoe temponja trima moerid baroe, tida bisa dapet tempat disembarang waktoe. Begitoelah Tjan Mo Seng bekas satoe tauke sekarang djadi koeli orang di Betawi.
Kaloe pagi Tjan anter Heng It naek tram kasekola, dari sekola ia naek tram dari gang Ketapang, teroes masoek kerdja. Nanti siang ia djoega kloear dari toko teroes ambil anaknja doeloe baroe poelang makan. Begitoe sateroesnja. Kaloe hari Minggoe ia bersama Soekmi dan anak-anak pergi djoega djalan-djalan boeat meliat keadaan kota Betawi, jang Soekmi memang belon kenal, sebab doeloe betoel soeda taoe dateng bebrapa kali ka Betawi, tjoema boeat satoe doe'a hari sadja, tida ada tempo boeat meliat keadaannja jang betoel. Sekarang ia sendiri tinggal di Betawi, tentoe sadja maoe taoe sampe abis.
Tetapi satoe perkara jang tida senang sekali, jaitoe Tjan sering betoel panggil dokter. Bermoela Heng Dji jang itoe tempo soeda oemoer 3 taon, sakit pajah sekali sampe bebrapa kali pangsan lantaran panasnja. Kedo'ea kali Heng It sampe satoe boelan tida masoek sekola.
Soekmi djoega sakit, nanti Tjan sendiri sakit, semoea itoe lantaran toeker hawa, ia dateng dari tempat dingin, lantas sadja tinggal ditenga-tenga
