moesoenja, sebab sigra djoega orang soeda dateng pada Tjan berdami itoe perkara, itoeng kira-kira ia poenja barang-barang, jang sebetoelnja tida ada brapa banjak, maka orang soeda taro harga f 2000 aken Tjan kloear dari itoe roema dengen bawa pakean sadja.
Achirnja Tjan soeda trima baek itoe perkara dan tida lama antaranja Tjan soeda pinda di Betawi bersama anak bininja sekalian.
Bermoela ia tinggal di hotel An Lok Kie dan saban hari ia kloear tjari roema serta liat-liat apa kiranja jang ia boleh kerdjaken.
Ia merasa disini boeat berdagang, tentoe tida bisa dengen kapital begitoe ketjil, apa ia moesti moelain? Ia ada orang baroe, belon taoe seloek beloeknja, maka ia pikir ada lebi baek bekerdja sama orang, poen tida maloe sebab tida ada jang kenal. Kemoedian kaloe soeda dapet pengliatan apa-apa jang penoendjoek, baroelah boleh pikir lagi.
Ia berdami dengen Soekmi, dan sang istri poen merasa begitoe ada paling baek. Kebetoelan di itoe hotel djoega ada soerat-soerat kabar, ia saban hari liat advertentie dan diliatnja ada satoe firma Europa tjari satoe orang, besoknja lantas ia dateng di itoe toko lamar itoe pekerdja'an.
Chef dari itoe firma liat tingkahnja Tjan ada
