- 170 -
dengen tersenjoem, laen kali djangan soeka ber-djandji apa-apa dalem oeroesan begitoe, laen bitjara dalem oeroesan berniaga, Soekmi djoega bisa bantoe.
Itoe malem Tjan maen menang banjak seperti doeloe di Pekalongan. Tetapi doeloe di Pekalongan ia menang maen pake kartoe Djawa, sekarang pake kartoe Tionghoa jaitoe maen Tjap-ho, jang ia bisa belon lama. Orang bilang ini seroepa maen ada lebi soesa dari maen kartoe Djawa tetapi lebi plesir, maka kaloe soeda bisa ini seroepa maen, lantas tida soeka lagi maen kartoe Djawa.
Tapi sebetoelnja dalem hal itoe melaenken orang poenja hati. Tjan poenja moeka mirip-mirip iboenja, tetapi ia ada katoelaran lembek hati oleh ajahnja, lantaran ini kalembekan hati, ia bisa tersemsem oleh itoe permaenan.
Sebetoelnja maen itoe tida boleh dimoelain, seperti ada setannja, orang bisa loepa segala hal oeroesan.
Betoel djoega sedari itoe malem, lama Tjan tida taoe pergi maen lagi dan Soekmi djangan tanja lagi ia djadi girang sekali.
Tempo-tempo Soekmi kasi ingetan de-ngen djalan bermaen-maen, boekan sebagi
