-168-
batik pada Lim . . . . tjoema sebab Lim soeka maen. Kaloe baba ada poenja pikiran begitoe, begimana laen-laen orang dari siapa baba biasa trima batik commissie?”
Tjan djoega tinggal diam, dalem hatinja memang ia merasa salanja, ia djoega boekan orang bodo aken tida mengarti itoe perkara, tetapi heran sekali ia bisa kliroe sampe begitoe djaoe dengen tida merasa satoe apa.
Selamanja kaloe orang bisa merasa kesalahannja sendiri, tentoe djadi baek, tetapi sering kali ingetan jang baek djadi terhalang oleh napsoe jang besar. Begitoe djoega dengen Tjan, ia dengerin perkataan istrinja, memang dalem hatinja soeda merasa ia poenja perboeatan ada terlaloe sala besar, boleh djadi tjilaka seroema tangganja, ia ada ingetannja aken tida maen-maen lagi.
Soekmi djadi girang meliat Tjan diam sadja begitoe, ia taoe jang ia poenja perkataan ada mamakan dalem hatinja Tjan. Ia tida kata apa-apa lagi, tempo saorang Tionghoa dateng jang dari loear poen soeda memanggil namanja dan serta diliatnja Tjan doedoek batja dan Soekmi djoega ada disitoe, ia lantas bilang kawan-kawannja soeda menoenggoe.
Tjan ada poenja ingetan aken tida maoe pergi, tetapi ia soeda berdjandji, sedeng Soekmi pandang
