begitoe manis laki istri, sekarang djadi seperti kaliwara, ia tida sekali bisa senang, selaloe, bermasgoei dan tida maoe taoe Isgi satoe apa oeroesan dalem roema, pendeknja soeda tida seperti sari-sari.
Tjan berdoea Soekmi djadi koeatir sekali meliat begitoe, kendati ia sendiri poenja hati tida koerang sedinja, tetapi ia sengadja bikin giranggirang, soepaja iboenja tida terlaloe kesoenjian dan hatinja dapet disaroe-saroein ; ia sering adjak kloear kaloe sore-sore pesiar, sebab diwaktoe siang, tida pantes sekali boeat orang jang sedeng berkaboeng, atawa Tjan minta njonjanjonja jang soeka maen dateng karoemanja boeat maen bersama iboenja.
Lantaran orang soeka maen diroemanja, satoe tempo sang iboe djoega moesti pergi maen diroema orang, maka ia djadi sering tida ada diroema.
Tjan djoega jang soeda timboel kombali penjakitnja jang lama, jaitoe soeka maen, lantas sengadja tjari kawan boeat maen, atawa tida ada jang dateng, ia sendiri pergi maen diroema orang.
Soekmi merasa soesa Kati meliat begitoe, la seperti dapet pirasat koerang baek dan ia pikir pikir ada paling baek kaloe ia kasi ingetan pada Tjan, sebab ia satoe istri, kaloe liat soeami berlakoe tida betoei, haroes ia tegor dan kasi oendjoek
