- 163 -
moera hati.
Sebagimana adat Tionghoa, selama peti mait belon dikoeboer, diwaktoe malem orang tinggal berdjaga-djaga (melek-melek atawa leklekan kata orang djawa), tetamoe selamanja banjak, apa kata Tjan banjak sobat-sobat, dan soepaja orang bisa doedoek lama dangen tida merasa iseng, tida laen obatnja jaitoe kartoe.
Ijan jang sebegitoe lama sedjak dapat Soekmi tida perna bardjoedi, tida taoe iseng-iseng lagi pegang kartoe, selaennja ditempat orang kawin atawa kematian dan laan-laen hadjat, itoe tempo soeda moelain lagi maen, teroetama kepaksa ikoat tetamoe poenja maoe, sepertinja moesti maen empat orang, tetapi tjoema ada tiga orang, maoe atawa tida, Tjan toeroet boeat tjoekoepin dan boeat bikin senang tetamoenja. Lantaran begitoe, lantas itoe kesoekaan maen timboel kombali dalem hatinja.
Seperti biasanja, orang kematian, kaloe peti masi ada didalem roema, rasanja orang jang mati itoe seperti masi ada, ketambahan ada banjak orang, djadi hati dapet di Saroe-saroein; tetapi kaloe soeda dikoeboer, tetamoe-tetamoe tida ada lagi datang, djadi sepi, baroelah orang merasa keilangannja.
Sang iboe, jang berpoeloe taon tinggal idoep
