- 143 -
kenapa orang batja boekoe bisa djadi tertawa, ia tida heran begimana orang bisa tahan membatja sampe sekean lamanja, sebab ia sendiri keliwat panasnja membatja boekoe, malahan kaloe ia doedoek berdoea Tjan, sekarang bisa bertoeker pikiran aken perkara-perkara jang boekan sari sari, hingga Tjan djadi lebi soeka lagi tinggal dalem roema.
Begitoe memang sebenernja.
Oemoemnja kita orang Tionghoa tjoema perloeken anak lelaki sadja, anak prampoean tida dikasi pengadjaran satoe apa, maka kaloe ia soeda bersoeami, tentoe tida laen kepandeannja dari pada pegang kipas api, sisir dan bedak, pengetahoeannja tida lebi djaoe dari batang idoengnja, kaloe sang soeami bitjara, iapoen sebagi bebek denger gloedoek, tinggal bengong, sebab tida masoek dalem akalnja. Tjara begitoe, maka banjak orang lelaki tida senang didalem roema, sebab sekalipoen ada kawan, sama djoega goeling sadja, malahan bisa djoega mendjadi djengkel lantaran pemandangannja jang tjoepet hingga tida ada sekali mempoenjain timbangan jang patoet.
Tetapi kaloe orang prampoean terpladjar, ia bisa samboet segala kahendak soeaminja hingga si soeami merasa beroentoeng didalem roema, jang ia tida nanti bisa dapetken diloear. Kaloe ada poenja istri begitoe, apa lagi jang satoe
