- 139 -
begitoe tjinta sajang padanja, poen laen-laen ada banjak jang ketarik hati padanja, soenggoe begitoe, ia tadi sekali djadi angkoeh, hanja ia djadi terlebi berati, ati, segala apa jang ia maoe bikin, ia timbang doeloe baek-baek dan menanja pikirannja la poenja mertoea, apa jang sang iboe ilang baek, baroelah ia bikin, tetapi kaloe sang Iboe bilang tida baek, ia lantas inget betoel-betoel apa itoe jang tida baek. la trima itoe seperti pengadjaran.
Oeroesan perniagaan, ia soeda moelain tjampoer tangan djoega, sebab ia pikir, kaloe Tjan kebetoelan pergi ka Pekalongan, ia bisa oeroes djoega, tida oesa terlaloe membikin soesa itoe orang toea.
Ia betoel bisa menoelis batik, tetapi tjoema bikin sadja, sedang harganja ia sendiri tida taoe. Sekarang baroelah ia mengarti begimana kaoentoengannja batik-batik, sebab ia soeda dapet taoe matjem apa dan begimana harganja.
Laen dari itoe ia soeda bisa bahasa Soenda dan aneh sekali lidanja tida begitoe kakoe seperti laen orang Djawa, jang sekalipoen bitjara Soenda tetapi lidanja tinggal lida Djawa. Tetapi Soekmi bisa bikm ampir tida kentara ia poenja lida Djawa itoelah barangkali sebab lida Tjomal tida terlaloe berat dan ia peladjarin bahasa Soenda jang aloes, sebab boedjang-boedjang semoea bi-
