136
aer matanja moelain kering, baroe ia bisa bitjara, itoepoen dengen terpoetoes poetoes :
„Kaloe angkau tida ada disini .... tida taoe apa djadinja? Barangkali akoe soeda mat. .ti!"
Aer matanja toeroen kombali hingga ia tida dapet meneroesken perkataannja.
„Hajo!" kata sang ajah. „Ada apalagi?"
„Akoe tida ada poenja anak prampoean," kata lagi sang iboe, „tjoema ada satoe anak lelaki, toch tida bisa rawatin akoe saki't, sebab anak lelaki soeda besar. . . . Oentoeng akoe ada poenja mantoe seperti angkau !"
Lagi aer matanja toeroen.
„Ambil katja!" berseroe sang ajah.
Dan semoea djadi tertawa denger begitoe hingga njonja besar poenja aer mata jang maoe lari kloear soeda masoek kombali, sedeng Soekmi djadi mera moekanja lantaran girang dan Tjan lekas kloear sebab ia rasa itoe kamer terlaloe sempit boeat tempatken ia poenja rasa kegirangan, jang Soekmi ada begitoe disajang oleh orang toeanja,
„Itoe ingoes!" kata lagi sang ajah sambil menoendjoek pada istrinja. Kombali kadengeran soeara tertawa rame.
Moelam aari wates itoe, njonja besar soeda
