kamernja, lantas Soekmi jang merasa heran, masoek aken meliat kenapa begitoe. Kiranja kepala poesing dan badan panas.
Meliat begitoe, Soekmi seklebatan lantas inget pada dokter, sesoedanja menanja dengen perkataan manis dan selimoetin badannja dengen kaen panas, ia lekas kloear kasi taoe pada Tjan dan minta lekas parggil dokter.
Tjan bilang, kaloe tjoema sakit kepala sadja, tida oesa djoega dokter. Tetapi Soekmi membanta, ia bilang orang soeda toea, ada sama djoega anak-anak, tida koeat, maka moesti ditoeloeng lekas.
Tjan djadi kaget dan lekas telefoon panggil dokter, sedeng ia lantas masoek meliat iboenja, jang merinti-rinti lantaran sakitnja.
Koetika dokter dateng, dipreksa dan dokter poenja aer moeka keliatan gelap laloe pesen moesti djaga, djangan terlaloe bergerak, nanti sore ia dateng lagi.
Sang ajah menanja dokter begimana istrinja poenja sakit, dokter bilang, tida apa, tetapi toeroet betoel ia poenja pesenan sampe isanti sore. Ia tinggalin recept dan pesen lagi sekali toeroet betoel apa jang ia bilang tadi.
Dokter soeda pergi dan boedjang soeda pergi ka apotbeek membli obat tempo Soekmi bilang
