Tjan awasin sadja dan ia pikir Soekmi ada saorang jang biasa berhati-hati.
Tempo Tjan kloear, ia liat Soekmi soeda abis mandi dan ada didapoer bantoe koki potong roti sekalipoen koki tida maoe kasi. Tjan djadi tersenjoem dengerin ini doea bitjara Melajoe, sebab jang satoe tida mengarti Djawa dan satoenja tida mengarti Soenda, tetapi Melajoenja doeadoea ada kakoe sekali.
Tida lama, orang toeanja Tjan djoega soeda tjoetji moeka dan doedoek, jang lantas djoega koki berdoea Soekmi sediaken boeat sarapan dimedja.
Tjan toeroet sarapan seperti biasanja dan sang iboe tanja Soekmi apa toeroet djoega sarapan, ia menjaoet dengen tersenjoem, jang ia kadangkadang sadja minoem koffie kaloe pagi.
Itoe tempo ia tinggal berdiri tida djaoe dan diam-diam sang iboe berpikir dalem hatinja, jang Soekmi sampe taoe adat. Kaloe diliat begitoe, sama sadja, sebab kaloe ada poenja mantoe bangsa sendiri poen tentoe dibikinnja begitoe, seperti Soekmi sekarang toenggoein mertoea sarapan kaloe-kaloe ada apa jang koerang.
„Ini hari aken dibikin slametan," kata sang iboe seadanja.
„Boeat tanda jang dalem roema kita soeda
