- 115 -
boeta. Itoe tida patoet. Angkau toch taoe pribahasa jang bilang: „ketji! anak—besar sanak."
Kaloe masi ketjil, betoel-betoel anak, kita moesti bikin sampe itoe anak danger kata, lantaran pikirannja belon sampe boeat bisa mendjaga dirinja sendiri. Kaloe ia soeda besar, ia bisa timbang tendiri apa jang bakal djadi baek atawa tida, maka dia poenja taoe kaloe maoe bikin atawa lakoeken satoe apa.
Begitoe djoega dalem hal berbini, kenapa kita orang toea moesti tjampoer-tjampoer?
Bini ada boeat dia, na dia sendiri moesti pili jang mana dia soeka. Oepama maoe makan koewe-koewe, anak kita dojan koewe mangkok, tetapi kita tida dojan koewe mangkok, hanja dojan koewe pepe, apa kita moesti paksa anak kita makan djoega itoe koewe, jang dia tida dojan?
Tentoe dia tida maoe, tentoe dia ambil djoega koewe mangkok.
Apa lagi bini, toch angkau taoe berlaki bini itoe boekannja satoe barang permaenan, ini hari kawin, besok boleh boeang lagi, Tentoe sadja moesti pili jang dia rasa penoedjoe, apa lagi kaloe penoedjoe doea-doeanja, itoe ada lebi baek, lebi slamet. Dia orang bertjinta satoe sama laen, saling tjinta dengen ketjintaan jang terbit dari dasar hati, kendati boekan bangsa, boekan {hws|tan|tandingan}}
