ia tida boleh pake itoe, atawa boleh djoega, tetapi moesti pake kembang mera dikepalanja. tetapi kaloe mertoea mati, ia moesti pake poeti tiga taon; dari sebab itoe, orang Tionghoa sajang mantoe prampoean, tida sajang anak prampoean.
Soeda djadi loemra, orang Tionghoa ada poenja kepandean, ia lebi soeka toeroenken pada mantoe prampoean dari pada anaknja jang prampoean.
Menoeroet tjerita, ada saorang pande bikin ketjap, anaknja prampoean ia tida kasi taoe resianja, tetapi pada mantoenja jang prampoean ia adjar itoe sampe mengarti betoel. Sebabnja kenapa? Ia pikir, kaloe anak prampoean, bawa dan goenaken itoe kepandean boeat laen familie, tetapi kaloe mantoe prampoean, melaenken boeat familie dari lakinja djoega.
Betoel sekarang orang kata ada djeman kemadjoean, begitoepoen di Tiongkok soeda terboeka djeman baroe, tetapi tjoema di pinggir-pinggir laoet sadja, dan kaloe inget brapa loeasnja Tiongkok, lantas orang bisa mengarti masi ada brapa ratoes miUioen manoesia disana jang masi tinggal pelok atoeran koeno.
Pengetahoean-pengetahoean atawa tjahajanja djeman baroe ada soesa termasoek kasebla dalem negri, lantaran djalan perhoeboengan tida
