- 106 -
berbalik katain orang Djawa soeda tiroe adat Tionghoa. Angkau taoe? Kita Tionghoa tida poenja adat djongkok menjemba, hanja sodja."
„Ja, sodja sih boeat orang lelaki, kaloe orang prampoean djongkok menjemba."
„Sala! Apa jang dipake boeat lelaki, begitoe djoega boeat prampoean. Sebetoelnja prampoean Tionghoa kita disini seperti kapan hari akoe bilang, bedanja sama orang Djawa, tjoema makan babi sama tida. Tetapi kaloe akoe kata begitoe, tentoe njonja-njonja tida soeka hati, sedang sebetoel-betoelnja ada begitoe. Tjoba angkau inget dan pikir baek-baek, angkau brani banggain diri ada bangsa Tionghoa, apa angkau bisa bitjara Tionghoa?'
Sang iboe diam sebentar, tapi lantas djoegaia bilang, sebetoelnja tida bisa. „Angkau tida bisa bitjara bahasa Tionghoa, itoe sadja soeda tjoekoep boeat kataken jang angkau bangsa tida kroean, jaitoe manoesia jang tida kroean bangsanja. Apa lagi angkau poenja pakean meloeloe Djawa, angkau poenja adat-adat semoea adat Djawa, seperti mengoenja siri, po tong gigi, bakar menjan pada malem Djoemahat, bikin slametan dan laen-laen, itoe semoea adat Djawa, kaloe angkau betoel-betoel Tionghoa, djangan pake itoe semoea."
