- 101 -
bisa poelang.
Begitoelah Tjan djadi menginep doea malem di Pekalongan dan satoe koffer wadja soeda sedia penoe dengen pakeannja Soekmi, jang mendadak dibikin disitoe. Koetika berdandan boeat brangkat ka Semarang, Soekmi ada pake kaen batik liris dan badjoenja soetra item, pake slop tinggi sedeng dikoepingnja dipake sepasang knip bermata brilliant ketjil, peneti dada dan tjoetjoek sanggoel semoea berkilat sekalipoen boekan jang berharga mahal. Tjan pikir ia nanti bli jang laen-laen di Semarang kaloe perloe dan, teroetama baek bli di Bandoeng sadja, sebab ia dateng poen dengen tida membekel oewang banjak. Tetapi apa jang ada, itoepoen soeda ada saderhana hingga Tjan tida oesa merasa maloe doedoek diseblanja Soekmi.
Oey Sie Hoen pœn mengantersampedistation, tida oeroang ia djadi dapet rasa djeloes, ia pikir ini orang jang begini matjem,kenapa ia tida bisa dapetken hingga sekarang digondol orang dari tempat djaoe.
Itoelah peroentoengan. Seperti Soekmi djoega memang soeda peroentoengannja tida bisa mengikoet bangsanja sendiri, sebaliknja Tjan djoega poenja peroentoengan hingga ia tida kawin dengen bangsanja sendiri. Tetapi soenggoe pada laen bangsa, Tjan ada taro indah sebab dengen be-
