- 96 -
Ia bilang, kaloe sampe diitoe wak toe ia masi idoep, tida laen tjoema lantaran hatinja selaloe inget dan mengharep Tjan poenja dateng, seka rang Allah soeda kaboelken permoehoenannja, ia merasa senang sekali, dan hatinja tida berat lagi boeat berlaloe dari ini doenia. Ia harep-harep Tjan sebab ia menaro kekoeatiran besar boeat Soekmi.
Tjan bermoela tanja ia sakit apa, katanja sakit eloe hati, ia bilang toean Ong Liang Soei soeda kirimin dia obat, tetapi tida bisa toeloeng, memangnja bebrapa toeroenan dari leloehoernja banjak jang mati lantaran itoe penjakit.
Tjan bikin senang hatinja serta tjeritaken dengeii ringkes begimana iboe bapanja soeda soeka hati trima Soekmi sebagi mantoenja, maka itoe oiang toea tida oesa koeatir lagi satoe apa.
Betoel djoega, kombali Bok Darmi tersenjoem. Samentara itoe Soekmi sot da hadepken setjangkir aer koffie panas dihadepannja Tjan.
Tjan pandang padarja, njata ia djadi lebi poetjet, roepanja lantaran banjak tida tidoer mendjaga iboenja, tetapi Tjan rasa, djoestroe djadi lebi tjakep apa lagi sekarang kendati koesoet, njata pakeannja soeda laen dari bebrapa hari jang soeda, satoe tanda ia soeda toeroet pesenannja Tjan boeat beli pakean baroe.
