Perkawinan djo Guru Dunia
Hari Rabaa rami pakan
Rami dianak kampung Tembok
Disiko kaba diantikan
Bakisa kapado si Rombok
Birauwari amai Rombok sadjak batjarai minantunjo laki si Minah Sutan Muntjak susah hati si Rombok dinanti idah tigo bulan malakik idah kasampaian diliek urang nan patut patut ka suami anaknjo tiok ditanjo indak ado.
Tinggi bukit buliah didaki
Lurah dalam batalo tali
Urang Upik buliah dinanti
Urang anggan apo kadajo
Kanai santung palalai urang suko awak tidak awak suko urang anggan baitu sajo kapanjangan ado sabulan antaronjo ditindjau pulo guru Dunia manuruki kaba didanga batjarai pulo djo bininjo bini tingga sorang ditjari hari nan baik katiko nan elok duo hari bulan timbua disanan langkah nan elok kan ijo si Rombok dikunjah sirih sakapua dikanakan kain nan elok baundung undung bugis hitam dibao siriah sakampia dilangkahkan kaki suok dituruik labuah nan pandjang ado sarantang padjalanan tjukup kaduo rantang pandjang
48
