kusut salasai karuh djaniah indak ado upek pudji pinang pulang katampuaknjo siriah balik kagangnjo sudah diulang nikah balik mando’a malapeh niat.
Lorong kapado si Rombok Mande Sutan Barbangso tadanga anak surut babaua balik bangih berang dalam hati sudah takadia Mande Tjilako tidak takana tolong urang lorong kapado Salima sadjak marando di Medan duo tigo urang datang maambiak Salima kabininjo manggantikan Barbangso mudo lai kajo lai Salima manulak djo alasan anak den tidak kabapak tirih tidak suko balaki bisa marando sampai tuo tidak ado mukasud hati. Lorong kapado Baiti anak Salima nan sakit sudah sanang sehat bana alah pai kasikolah.
Lajang lajang panjamba buliah
Parapati tabang karimbo
Kasih sajang ditjari buliah
Tampat hati larang basuo
Urang Padang marantang Nanang
Dirantang dilipek ampek
Dilipek dipaduo
Kalau dirantang pandjang
Elok dikumpa dipapindek
Diambiak sado nan paguno
46
