Baitu sadar kito makan gadji bakaradjo di kantua usah anak palupo apo karadjo kokoh2 pandai babaua ateh bawah hormat hormati usah hari tinggi gaduah udju djo sombong urang bangih pado awak kalau tak pandai bakaradjo indak pandai maniru nan pandai karadjo banjak salah dikatokan urang awak bangis karadjo buruak disangko elok awak bodoh disangko pandai tumbuah huban di kapalo awak djadi djurutulis kawan kudian naik pangkat djadi kandidat kandidat djadi damang — awak nan tuo sinan djuo bungkuak punggung dikurisi mandjadi tunggak medja katonyo mande kandung manudjuak maadjari mandanga kato damikian taraso bana kato mande satitik djadi laut sakapa djadi gunung
Dipatjik arek diganggam taguh sapatah tidak dilupokan pado hari samalam tu mato indak kundjung lalok pangana pado nagari urang duo kali ajam bakukuak tjukup katigo hari siang djago Sutan Djamaris diambiak kopor kulit dimasuakkan pakaian nasi ditanak mande kandung makanan tangah djalan sabelek roti randang ajam — sakarutjut adjit kuning dipalapeh Maris badjalan pagi pagi pukua tudjuah badjalan Sutan Djamaris disewo motor ka Rengat hari Sabtu barangkek hari Sinajan pukua anam sampai motor di Rengat baranti motor anjo lai turunlah urang dalam oto turun pulo Djamaris tampak kawan satu lai sobat karib sadjak ketek samo sikola mangadji bakato urang itu kamano wahang Maris lamo kito indak basuo bakato kawannjo bakato basuko hati:
Lah lamo indak karimbo
Balam Barabah dari djambi
Lah lamo indak basuo
Badan barubah tukini
Anak urang koto Marapak
Basunting Bungo durian
Mako lamo indak tampak
Dibao huntuang djo bagian
28
