tangan anjo lai makanlah Sutan Djamaris disuok nasi duo suok pangana karantau urang raso tibo di Riau sudah makan dibasuh tangan diisok rokok sabatang asok mandulang ka udaro
Bakato Sutan Djamaris manolah mande kandung mukasud hati marantau ditjubo untung karantau urang bari izin hamba badjalan katonyo Sutan Djamaris bakato baibo hati mandanga kato anak kandung indak elok anak badjalan elok anak di kampung buruk baik lakeh tahu marantau ka nagari urang pitih djuo nan ditjari disiko ado paadohan(2)anak lai bagadji katonyo mande kandung mandjawab Sutan Djamaris lorong kapado kato amai bana ambo bakaradjo bakaradjo nagari sarupo kiambang dalam tabek tidak sampai urekka tanah
Gadang ajia kiambang anjut indak ado urek tunggang karadjo tidak kapandaian tidak ado bapisulut hambo mudo baru lantas angan tjari pangkat tolong di mande djo doa balasan marantau lai sanang hujan paneh babalasan tatjaliak djuo nan bak urang katonyo Sutan Djamaris mandjawab mandenjo kalau anak ka manggalas adapkan hati sungguh usah hati di patjewang(3) lurus bana bana dipakai manimbang batua batua barakat pitih dimakan mulut manih kalau batutua usah ang sampit kalang urang mambali djadi radjo adat urang manggalas makan tagak minum balari.
Balandjo bahimat himat pandai babalanjo sahari sahalai banang lamo lamo sahalai kain sadjauh djauh padjalanan dimulai salangkah djuo nak mulia batabua urai nak kajo badikit dikit kalau anak bakaradjo bakaradjo bapangkat pandai tenggang manenggang paibo kakawan kawan samo karadjo bia dibawah pado awak badjalan lurus bakato bana dangkih kusumat usah dipakai iri pado kawan kawan naik awak ebek(4)usah ang pakai.
26
