Malang bagian si Aminah disangko turun hudjan dilangit — ajia tampajan dibuangkan ditjari kaganti laki anak tidak ado nan sasuai kanai santung balalai awak amuah urang anggan urang suko awak tidak hilang aka si Rombok takana si Rasad Sutan Muntjak kanai hati ke si Minah melihat rupo rantjak roman — bakaradjo di kantua damang urang budjang rimbang mato tiok tahun babini mande kajo bapak batuah dapek hetongan djo si Rombok panuka Sutan Djamaris
Sudah nikah pulang sakali indak tarago baralek nikah rando samo rando anam bulan pabauran pasai pulo Sutan Muntjak lapau dihetong anjo lai batjarai pulo kaduonyo disangko Muntjak urang garok kironjo tareh kalua gadang bungkus indak barisi kato kato malangit ditjaliak rupo indak baduo, kan ijo Sutan Muntjak babini malapehkan napasu injo tahu laku si Rombok apek dilua runtjing di dalam — dalam duo tangah tigo mangaut gadang ka awak susah hati si Rombok nan labih bana si Aminah
Takana djando lamo laku parangai elok barapo gadji dibarikan tidak kakurang sadjak balaki djo si Muntjak karadjo kalesek damang tiok bulan tarimo gadji nafakah tidak turun salero tinggi pado Djamaris minumnjo kopi bagulo makan daging gulai ajam nasi angek gulai angek — pantang makan gulai bamalam kurang saketek mantjapak tjapak — saku baju badjahit kato tinggi kaurang suko manjuruah manjarajo urang disangko budak labih sarupo tuanku damang mudju lakeh batjarai untuk mantjari sadjak balaki Sutan Muntjak tidak tukuk djo tambah elok djuo djando lamo takana djando djo djamaris.
22
