Halaman:ADH 0002 A. Damhoeri - Kaba - Si Domba Ameh.pdf/34

Dari Wikisumber bahasa Indonesia, perpustakaan bebas
Halaman ini telah diuji baca

27.

5. PARENTAH RAJO.

Urang Medan ka Samalanga,
lalu di kota banamo Langsa;
Nan tak didanga alah didanga,
Domba manjadi rajo raksasa.

Alah sahari duo hari,
alah sapakan duo pakan,
Domba alah manjadi rajo,
iyo rajo dinagari raksasa,
parentahnyo adia bukan kapalang,
samantang bolau tu bangso binatang,
bagak nan ikan alang-alang,
sikua tak ado barani malawan,
kucuik takuik kasadonyo.

Kini alah datang parentah rajo,
disampaikan kapado sagalo rakyatnyo,
apo bumi parentah nantun,
rakyat raksasa disuruah mananam labu,
iyo pananam labu aia,
laikoh sanak panah mandanga,
labu banamo labu aia,
mangko banamo sarupo itu,
labu gunonyo kan bakeh aia,